Іздестіру формасы

Вице-министрлер

Дата размещения: 23.08.2017 - 0:49
Дата последнего обновления: 17.04.2019 - 10:19

Әзілханов Марат Алмасұлы

Әзілханов Марат Алмасұлы Әзілханов Марат Алмасұлы 1965 жылы  дүниеге келген.

1988 жылы Қарағанды мемлекеттік медицина университетін, 2000 жылы Қазақстан Республикасы Ұлттық қауіпсіздік комитетінің академиясын «Құқықтану» мамандығы бойынша бітірген.

Қазақ, орыс және ағылшын тілдерін меңгерген.

1988-1992 жылдар аралығында Қызылорда қаласының Медициналық мекемелерінде дәрігер-хирург болып еңбек етті;

1992-2011 жылдар аралығында – Қазақстан Республикасының Ұлттық қауіпсіздік органдарында қызмет етті;

2011-2013 жылдар аралығында – Қазақстан Республикасы Дін істері агенттігі төрағасының орынбасары;

2013-2014 жылдар аралығында – Қазақстан Республикасы Дін істері агенттігінің төрағасы;

2014-2016 жылдар аралығында – Қазақстан Республикасы Мәдениет және спорт вице-министрі;

2016-2018 жылдар аралығында – Қазақстан Республикасы Дін істері және азаматтық қоғам министрлігінің жауапты хатшысы;

2018-2019 жылдар аралығында – Қазақстан Республикасы Қоғамдық даму министрлігінің жауапты хатшысы.

«Құрмет» орденімен, «Жауынгерлік ерлігі үшін» мерекелік және т.б. медальдармен марапатталған.

 


Мауберлинова Нұргүл Өсербайқызы

Мауберлинова Нұргүл Өсербайқызы 1973 жылдың 13 қарашасында дүниеге келген.

Саран педагогикалық училищесін (1992), Е.А. Букетов атындағы Қарағанды мемлекеттік университетін (2000), Қарағандыдағы  Қазтұтынуодағы экономикалық университетін (2006) тәмамдаған.

Еңбек жолын 1992 жылы Қарағанды облысындағы балалар-бақшасы тәрбиешісінің қызметінен бастаған. Саран қаласының №2 орта мектебінде тарих және қазақ тілі пәні мұғалімі болған.

2006 - 2008 жылдары – Қазақстан Республикасы Мәдениет және ақпарат министрлігі Ақпарат және мұрағат комитетінің бас сарапшысы.

2008 - 2012 жылдары – Қазақстан Республикасы Премьер-Министрінің Кеңсесі Ақпараттық-талдау орталығының бас сарапшысы.

2012 - 2016 жылдары – Қазақстан Республикасы Президентінің жанындағы «Орталық коммуникациялар қызметі» РММ директорының орынбасары.

2016 – 2018 жылдары Қазақстан Республикасы Ақпарат және коммуникациялар министрлігі Ақпарат комитетінің төрайымы.

2018 – 2019 жылдары Қазақстан Республикасы Ақпарат және коммуникациялар министрлігінің вице-министрі.

«Қазақстан Республикасының тәуелсіздігіне 20 жыл» мерекелік медалі және «Құрмет» орденімен марапатталған.

 


 

ЖҰЛДЫЗ ҚАЖЫКЕНҚЫЗЫ ОМАРБЕКОВА

Вице-министр

Жұлдыз Қажыкенқызы Омарбекова

Қазақстан Республикасы Үкіметінің  Қаулысымен Қазақстан Республикасы Қоғамдық даму вице-министрі болып тағайындалды.

Жұлдыз Омарбекова 1983 жылы Алматыда дүниеге келген.

Әл-Фараби атындағы Қазақ ұлттық университетін тәмамдаған. Құқықтану маманы, әлеуметтік ғылымдар кандидаты.

Еңбек жолын 2001 жылы бастаған. Түрлі жылдары әлеуметтану пәнінен оқытушы, «Бауыржан» қайырымдылық қорының атқарушы директоры және президенті болып жұмыс істеген.

2013–2014 жылдары Алматы Мәдениет басқармасы басшысының м.а., басшысы, 2014–2015 жылдары — Алматы Наурызбай ауданы әкімінің орынбасары қызметтерін атқарған. 2016 жылдың мамыр айынан бастап қазіргі таңға дейін «Нұр Отан» партиясының Алматы қалалық бөлімшесі төрағасының бірінші орынбасары лауазымын атқарған.